4.000 dosar med ebolavaksine har kome til Kongo

4.000 dosar av ein eksperimentell vaksine mot ebola har kome Kongo, som er ramma av eit utbrot av den dødelege sjukdommen.

innenriks.vaktsjef@ntb.no/margunn@npk.no

Publisert: 16.05.2018 kl 16:10

Det opplyser ei talskvinne for kongolesiske helsestyresmakter onsdag. Vaksinedosane skal no fraktast til dei to områda i det sentralafrikanske landet som er ramma av ebolautbrotet.

Verdshelseorganisasjon (WHO) opplyser at fleire vaksinedosar er venta å koma til Kongo dei nærmaste dagane. Den eksperimentelle vaksinen viste seg å vera svært effektiv då han blei prøvd ut på ebolapasientar i Guinea under den store ebola-epidemien i Vest-Afrika i 2015.

Kongolesiske styresmakter opplyser at det så langt er registrert 42 smittetilfelle med ebola i den nordvestre delen av landet.