Badegjester evakuerte i Florida på grunn av storm

Stormen Alberto låg søndag ettermiddag vest for Tampa, med kurs rett mot den nordvestlege golfkysten ved Panama City og Pensacola.

Alberto er den første stormen i denne orkansesongen og dreidde tidlegare søndag nordvestover, bort frå den sørlegaste tuppen av Florida.

Langs golfkysten både i Florida, Alabama og Mississippi er det sendt ut stormvarsel og appellar om frivillig evakuering av kystområda. På enkelte øyer og campingplassar rett på stranda er det obligatorisk evakuering.

Stormen er venta å treffe land måndag med kraftig nedbør og sterk vind, sjølv om den ikkje har nådd opp i orkanstyrke.

Strendene i Florida er normalt fullpakka med badegjester i Memorial Day-helga.

(©NPK)

Strender langs golfkysten av Florida ligg aude mens ein ventar på stormen Alberto. Foto: AP / NTB scanpix