Bodø trassar Grandes råd - vil bli europeisk kulturhovudstad

Bodø-ordførar Ida Pinnerød presenterte fredag planar og ønskjer frå kommunen for EU-representantar og for nordiske organisasjonar, fortel NRK.

- Folk er imponerte over søknaden vår. Dei er nysgjerrige på Bodø og heile regionen, seier Pinnerød til NRK etter presentasjonen i Brussel.

Førebels er det ein søknad om prekvalifisering som er levert. Dersom denne blir godkjent, byrjar neste fase i prosessen for å bli ein godkjent søkjarby.

Kulturminister Trine Skei Grande har nekta å støtte prosjektet økonomisk og har meint at Bodø bør vente nokre år.

I byrjinga av 2019 får Bodø vite om dei kjem vidare til neste steg i prosessen.

I 2000 var Bergen kulturhovudstad. Stavanger og Sandnes var det i 2008.

(©NPK)

Bodøs ordførar Ida Pinnerød (Ap) er optimistisk sjølv om kulturministeren førebels ikkje har støtta kommunen i prosessen for å bli europeisk kulturhovudstad 2024.
Foto: Heiko Junge / NTB scanpix