Casper Ruud ute av Roland-Garros, sjanselaus mot Albert Ramos-Viñolas

Ruud fekk på ingen måte nokon draumestart på kampen. Allereie i første servegame blei han broten, og deretter heldt Ramos-Viñolas eigen serve til 2-0-leiing.

Ruud var også i trøbbel i sitt andre servegame, men redda det i land til 2-1. Deretter følgde 19-åringen opp med eit krutsterkt servebrot til 2-2.

Ramos Viñolas spelte derimot svært solid, og spanjolen gjorde svært få klare feil. Han henta heim det første settet 6-4, og var enda meir suveren i sett nummer to.

Ruud sleit med låg prosent på førsteserven, og hadde til tider svært tøft mot sin spanske motstandar.

Ungguten frå Snarøya var sjanselaus i det andre settet og tapte 2-6, og var dermed avhengig av settsiger i det tredje settet.

Det starta på verst tenkjeleg vis da Ramos-Viñolas braut til 0-1 allereie i første game. Ruud redda to matchballar før han slo tilbake og redda 4-5, før Vinolas fekk tre matchballar til å sikre 6-4. Den første avverja Ruud, men den neste kunne ikkje nordmannen avverje.

- Det var tøft. Ramos var god i dag, og han gjorde alt litt betre enn Casper. Casper servert litt ujamt og blei broten for mange gonger, sa pappa og trenar Christian Ruud til Eurosport.

Ringrev

Albert Ramos-Viñolas er ein 30 år gammal ringrev i ATP-sirkuset som er ranka som nummer 36 i verda. Han blei tennisproff i 2007, og sidan juni 2011 har han vore innanfor topp 100 på verdsrankinga, med nokon unntak i 2014. Det høgste han har vore ranka er 17.-plass i fjor.

Viñolas er no rangert som nummer 30 i verda og er 31..-seeda i Paris.

Vinnaren av kampen møter enten den argentinske verdsstjerna Juan Martin del Potro eller franske Julien Benneteau. Del Potro har tidlegare vunne US Open. Han står også med OL-sølv på merittlista.

Argentinaren var lenge usikker til turneringen i Paris på grunn av ein lyskestrekk.

(©NPK)

Casper Ruud er ute av Roland-Garros. Foto: Alessandra Tarantino / AP / NTB scanpix