Copa: Uruguay og Chile til kvartfinale, Japan ute
Ei sein scoring av Edinson Cavani gav Uruguay 1-0 over Chile i gruppe C i Copa America. Japan må reise heim etter uavgjort mot Ecuador.
Chile var klar for kvartfinalen allereie før kampen mot Uruguay.
I den andre og siste av gruppespelkampane tok Japan ei tidleg leiing og tente håp om avansement, men Ecuadors Angel Mena utlikna før pause. 1-1 stod seg kampen ut, og dermed får ingen av laga spele kvartfinale.
Kvartfinalane blir spelte slik:
Fredag 28.6: Brasil - Paraguay 02.30 (blir spelte torsdag lokal tid), Venezuela - Argentina 21.00
Laurdag 29.6: Colombia - Chile 01.00 (blir spelte fredag lokal tid), Uruguay - Peru 21.00.
(©NPK)
Uruguays Luis Suárez (bak) og Chiles Paulo Diaz under siste gruppespelkamp i Copa America. Uruguay vann kampen 1-0 på Maracanã stadium i Rio de Janeiro. Foto / AP / Silvia Izquierdo / NTB scanpix.