Designaren Kate Spade funnen død

Den amerikanske designaren Kate Spade (55) er funnen død i heimen sin i New York, melder amerikanske medium.

Spade blei funnen av ein av assistentane sine tysdag, og politiet stadfesta seinare på dagen at Spade hadde tatt sitt eige liv.

55-åringen er mest kjent for veskekolleksjonane sine, men ho designa også klede, sko og smykke.

Ho grunnla og eigde merkevara Kate Spade New York, som har over 140 butikkar i USA og fleire enn 175 i resten av verda. I fjor selde ho derimot alle aksjane sine i selskapet til designerselskapet Coach, melder CBS News.

(©NPK)

Den amerikanske veskedesignaren Kate Spade blei tysdag funnen død i heimen sin i New York. Foto: AP / NTB scanpix