Ekstraordinært landsmøte i KrF 2. november

KrFs landsstyre diskuterte fredag ettermiddag prosessen som skal avgjere om partiet skal velje regjeringssamarbeid med dei borgarlege eller med venstresida.

Eit klart fleirtal har tatt til orde for ekstraordinært landsmøte, skriv avisa Dagen. NTB får også bekrefta at det vil bli halde ekstraordinært landsmøte.

I sin tale til landsstyret rådde KrFs leiar Knut Arild Hareide til å vurdere regjeringssamarbeid med Arbeidarpartiet. Men motstanden mot ei venstredreiing er stor i delar av partiet.