Equinor drog ned Oslo Børs
Hovudindeksen på Oslo Børs fall med 1,26 prosent til 875,43 poeng tysdag
Omsetnaden totalt enda på 5,1 milliardar kroner. Equinor toppa omsetnadslista med ein omsetnad på over ein milliard, men fall 4,3 prosent på grunn av lågare oljeprisar.
Blant dei meste omsette selskapa var det mange raude tal. Berre to selskap auka i verdi. Telenor la på seg 1,3 prosent og Salmar vart vinnaren på tysdag med ein vekst på 4,3 prosent, mens konkurrenten Marine Harvest fall 2,1 prosent.
Oljeprisnedgangen heldt fram tysdag og prisen på nordsjøolje låg ved børsslutt under 67 dollar fatet, eit fall på 2,9 prosent gjennom dagen. Aker BP fall med 2,7 prosent og DNO vart dagens tapar med eit fall på heile 10,3 prosent
Dei europeiske børsindeksane enda alle i pluss tysdag. Londons FTSE steig 0,1 prosent, CAC 40 i Paris steig 0,9 prosent og DAX 30 i Frankfurt noterte 1,3 prosent auke.
(©NPK)
Hauststemning på Oslo Børs tysdag. Hovudindeksen fall med 1,26 prosent.
Foto: Erik Johansen / NTB scanpix
