Erik Watndal med VM-sølv i skeet

Leirdueskyttaren Erik Watndal tok sølv VM i skeet fredag. Amerikanske Vincent Hancock vann.

ole.henrik.tveten@ntb.no/kirsten@npk.no

Publisert: 14.09.2018 kl 10:23

I finalen bomma Watndal fem gonger og enda opp med 55 treff av 60 moglege.

Best i kvalifiseringa var amerikanske Vincent Hancock. Han tangerte verdsrekorden med 125 av 125 moglege treff. I finalen bomma han berre ein gong på dei 60 skota.

Watndal skaut totalt 122 treff av 125 moglege i den innleiande skytinga. Han kom i omskyting om ein finaleplass, og sikra seg ein plass blant dei seks beste.

Det var elles Hancock som snytte Tore Brovold for OL-gullet i Beijing i 2008.

Jørgen Engen og Jonas Filtvedt trefte berre 118 og 113 duer og hamna langt nede på lista.

I lagkonkurransen enda det norske laget heilt nede på 14.-plass med 353 treff. Frankrike var best framfor Italia og Russland.

(©NPK)

Erik Watndal vart nummer to i skeet under VM i skyting i Sør-Korea. Foto: Tor Richardsen / NTB scanpix