Erna Solberg besøkjer Theresa May

Nesten to års ventetid er endeleg over. Onsdag neste veke er statsminister Erna Solberg gjest hos Storbritannias statsminister Theresa May i Downing Street.

uvakt@ntb.no/Bjorn.Ivar.Voll@npk.no

Publisert: 29.05.2018 kl 20:20

Solberg varmar opp med eit besøk i Brussel dagen i førevegen. Der skal ho møte EU-president Donald Tusk og EU-kommisjonens sjef Jean-Claude Juncker før ho reiser vidare.

I London skal ho skal møte Theresa May i den ikoniske statsministerbustaden i 10 Downing Street.

Brexit blir naturlegvis eit hovudtema på møtet, som skjer stad på ettermiddagen.

Det er første gong Solberg og May held eit fullt bilateralt møte. Tidlegare har dei to berre snakka på telefon og møtt kvarandre kort på sidelina av andre møter, til dømes i FN og Nato.

NTB kjenner til at eit møte var planlagt for omtrent eitt år sidan, men det blei avlyst da May plutseleg utlyste nyval.