EU varslar toll på amerikanske varer neste månad

EU planlegg å innføre toll på ei rad amerikanske produkt neste månad som svar på USAs toll på europeisk stål og aluminium.

are.foli@ntb.no/kirsten@npk.no

Publisert: 06.06.2018 kl 12:39

- Vi reknar med å ha fullført koordinasjonsarbeidet med våre medlemsland innan utgangen av juni slik at den nye tollen kan innførast i juli, sa EU-kommisjonens visepresident Maros Sefcovic onsdag.

Lista over amerikanske produkt som får toll, vil blant anna omfatte whisky og motorsyklar.

Kunngjeringa frå EU kom dagen etter at Mexico kunngjorde ei liste over amerikanske varer som nå vil få mellom 15 og 25 prosent toll. Lista består blant anna av svinekjøt, ost, whisky og poteter. Mexico er til liks med EU blitt pålagt toll på stål og aluminium av USA. Mexico vil klage USA inn for Verdshandelsorganisasjonen (WTO).