Fifa skal sjølv handtere dopingprøvane i VM

Russlands nasjonale antidopingbyrå, RUSADA, har vore suspendert av Verdsantidopingbyrået (WADA) sidan august 2015. Bakgrunnen er avsløringane om organisert, statsstøtta dopingjuks under OL i Sotsji (2014).

Når russarane no skal arrangere fotball-VM, skjer det utan at vertsnasjonen tar del i dopingtestinga.

- Eg har sagt det til dei i Russland at om noko går gale, så slepp dei kritikk og kan ikkje bli rekna som ansvarlege. Alt skal handterast frå første til siste ledd av Fifa utan innblanding av russarar, seier Michel D'Hooghe, medisinsk ansvarleg i Fifa, til avisa The Times.

Det betyr i praksis at spelarar som skal dopingtestast etter kampane blir først av eige støtteapparat til eit prøverom der berre medisinsk personell utfører testane.

(©NPK)

Fifa gjer sitt for å unngå dopingskandalar under fotball-VM. Foto: Julia Tsjestnova / AP / NTB scanpix