FN-sambandet: - Ei anerkjenning av samanhengen mellom fred og menneskerettar

FN-sambandets generalsekretær Anne Cathrine da Silva lovprisar Nobelkomiteen for å setje søkjelys på menneskerettar og ytringsfridom med fredsprisen i år.

uvakt@ntb.no/kirsten@npk.no

Publisert: 05.10.2018 kl 11:38

- Det er viktig at menneskerettar og ytringsfridom no blir sett på dagsorden, seier da Silva til NTB.

Ho kallar fredsprisen i år ei «anerkjenning av samanhengen mellom fred og menneskerettar».

Fredsprisen for 2018 går til den kongolesiske legen Denis Mukwege og irakiske Nadia Murad for deira kamp mot seksualisert vald i krig.

Mukwege har lenge vore blant favorittane til å få prisen, påpeikar da Silva.

- Han har gjort eit uvurderleg arbeid for Kongos kvinner, og innsatsen går rett inn i kjernen av FNs berekraftsmål om at ingen skal utstengjast, seier ho.