Guvernør: - Stormen herjar med delstaten vår

Han opplyste fredag at ein halv million menneske i delstaten er utan straum. I elva Neuse har vasstanden stige tre meter som følgje av stormflo.

- Stormen herjar med delstaten vår, seier Cooper.

Han legg til at han er svært bekymra for dei lokalsamfunna som risikerer å bli utraderte av uvêret. Styresmaktene har gitt ordre om evakuering av dei mest utsette områda, men flaumvatnet kan gjere stor skade på bygningar og infrastruktur.

(©NPK)

Orkanen Florence har gjort stor skade på ein motorveg til Harkers Island i delstaten Nord-Carolina. Foto: Jordan Guthrie / AP / NTB scanpix