Hatlen nytt styremedlem i Antidoping Norge

Hatlen har over fleire år innehatt ulike styreleiarverv i offentleg og privat sektor, blant anna som styreleiar for Entra og som leiar av organisasjonskomiteen for Ungdoms-OL 2016 på Lillehammer.

- Siri Beate Hatlen har solid erfaring med styrearbeid, også som styreleiar. Vi er overtydde om at Hatlen, med sin omfattande leiarerfaring, vil bidra til ytterlegare å styrkje antidopingarbeidet i Noreg, og er derfor svært tilfredse med at ho har takka ja til dette styrevervet, seier NIFs generalsekretær Karen Kvalevåg.

- Dette er ei spennande og viktig oppgåve, og eg er veldig glad for den tilliten NIF viser meg ved oppnemninga til styret i Antidoping Norge, seier Hatlen.

Hatlen erstattar Valgerd Svarstad Haugland, som går ut av styret etter åtte år. Dei siste sju åra har ho vore styreleiar.

(©NPK)

Siri Hatlen fekk styreverv i Antidoping Norge. Foto: Heiko Junge / Scanpix