Hegerberg seier framleis nei til landslaget

Ada Hegerberg seier til Aftenposten at ingenting er forandra når det gjeld avgjerda hennar om å seie nei til det norske landslaget i fotball.

stian.johnsen@ntb.no/kirsten@npk.no

Publisert: 05.09.2018 kl 13:53

Tysdag kvalifiserte dei norske kvinnene seg for neste års fotball-VM i Frankrike etter å ha vunne 2-1 mot regjerande europameister Nederland.

Kampen gjekk utan Lyon-stjerna Hegerberg, som sa nei til vidare spel på landslaget etter den skuffande europameisterskapen i fjor. Til Aftenposten seier ho at ho ikkje har planar om å gjere noko comeback.

- Mi avgjerd var ikkje basert på om landslaget kom til å vinne kampar eller ikkje i framtida. Ingenting er forandra på det valet eg har tatt, seier Hegerberg.

Ho legg til at ho ønsker landslaget lykke til i VM.

(©NPK)

Ada Hegerberg seier framleis nei til landslaget. Foto: Berit Roald / NTB scanpix