Hjelpearbeidarar vert trekte ut av Jemen

Den internasjonale Raude Kors-komiteen (ICRC) har trekt 71 tilsette ut av krigsherja Jemen av sikkerheitsomsyn.

Den internasjonale Raude Kors-komiteen (ICRC) har trekt 71 tilsette ut av krigsherja Jemen av sikkerheitsomsyn.

- Verkemda vår er blitt blokkert, trua og direkte ramma dei siste vekene, heiter det i ei fråsegn frå organisasjonen torsdag.

For mindre enn to månader sidan vart ein ICRC-tilsett i Jemen drepen. No fryktar organisasjonen at arbeidet i landet vil bli hardt ramma. ICRC bidrar blant anna med matvarehjelp og medisinsk bistand.

Dei 71 som vert trekte ut av Jemen, utgjer over halvparten av ICRCs internasjonalt tilsette i landet. Organisasjonen vil framleis ha 452 medarbeidarar igjen i Jemen - inkludert lokalt tilsette.

Konflikten i Jemen, der Saudi-Arabia og andre arabiske land spelar viktige roller, har kravd over 10.000 menneskeliv og ført Jemen til randa av ein svoltkatastrofe.

(©NPK)

ICRCs Midtausten-direktør Robert Mardini under ein pressekonferanse i Genève nyleg der han kommenterte situasjonen på Gazastripa. Foto: AP/NTB scanpix

Annonse