Israel utførte luftangrep mot 25 Hamas-mål

Kunngjeringa kjem dagen etter at dei melde om å ha utført angrep mot 35 militære mål i Gaza, etter at bombekastargranatar vart skotne mot Israel. Den militante islamistrørsla Hamas og den mindre militsen Islamsk jihad har tatt på seg ansvaret for angrepet.

Ifølgje den israelske hæren vart 70 rakettar og granatar skotne mot Israel i løpet av dagen, men dei fleste av dei vart skotne ned av det israelske rakettforsvaret.

Dei israelske avisene Haaretz og Jerusalem Post melde rett etter klokka 22 tysdag kveld at det var oppnådd ei våpenkvile med dei militante palestinske gruppene på Gazastripa. Dette vart likevel tilbakevist av anonyme israelske talsmenn, og få minutt seinare vart det meldt om nye israelske flyangrep mot mål på Gazastripa.

(©NPK)