Jørn Andersen byter frå Nord-Korea til Sør-Korea

Den norske fotballtrenaren Jørn Andersen går frå jobben som landslagssjef i Nord-Korea til trenar i sørkoreansk fotball.

ole.henrik.tveten@ntb.no/kirsten@npk.no

Publisert: 08.06.2018 kl 13:24

Ifølgje TV 2 reiser Andersen til Sør-Korea laurdag for å skrive under ein kontrakt på eitt og eit halvt år med klubben Incheon United.

Incheon United ligg nest sist i K-League halvvegs ut i serien, og nordmannen er henta inn for å redde klubben frå nedrykk. Det er berre eitt lag som rykker ned frå ligaen.

TV 2 skriv at Andersen tente fire millionar kroner i året som landslagssjef for Nord-Korea frå 2016-2018, men at det er venta at han går opp i lønn i Sør-Korea.

Incheon er Sør-Koreas tredje største by, med rundt tre millionar innbyggjarar.