Journalist seier han blei smurt inn i griseblod og frakta til likhuset i Kiev

Det fortel Arkadij Babtsjenko sjølv til pressa i Kiev torsdag. Ukrainske styresmakter avslørte dagen før at dei hadde iscenesett attentatet på Babtsjenko for å forhindre dei påståtte planane til russiske etterretningsagentar om å drepe journalisten.

Babtsjenko seier han kunne ha nekta da ukrainske agentar tok kontakt med han og fortalde om ideen for ein månad sidan. Den russiske journalisten deltok derimot i planen av eigen vilje, påpeiker han.

Politiet i Kiev melde tysdag at 41 år gamle Babtsjenko hadde blitt skoten og drepen inne i leilegheitsbygget der han budde. Dagen etter kunngjorde politiet at han var i live og at dei hadde arrestert ein mistenkt i saka.

(©NPK)

President i Ukraina Petro Porosjenko (frå venstre), den russiske journalisten Arkadij Babtsjenko og Vasilij Gritsak, sjefen for den ukrainske tryggingstenesta møttest i Kiev onsdag. Foto: Presidential Press Service Pool Photo / AP / NTB scanpix