Kojonkoski skal trene Kina mot OL

Den finske trenaren Mika Kojonkoski går laus på ei vrien oppgåve når han skal ha trenaransvaret for Kinas skihopparar fram til OL på heimebane i Beijing i 2022.

stian.grythaugen@ntb.no/gunnhild.skjold@ntb.no/kirsten@npk.no

Publisert: 18.09.2018 kl 13:25

Mika Kojonkoski, som revolusjonerte norsk hoppsport frå 2002 til 2011, har signert ein fireårig avtale med det kinesiske skiforbundet.

No skal han trene eit kinesisk lag med base i sin eigen heimby Kuopio.

Vinter-OL i 2022 går i Beijing. Det kinesiske hopprosjektet startar i oktober.

- No har vi det travelt med å byggje opp eit serviceteam for 30 hopparar og seks trenarar, seier Mika Kojonkoski til insidethegame.biz.

Han gjekk av som toppidrettssjef i Finland etter Pyeongchang-OL i vinter. Kojonskoski skal samtidig fortsette i jobben som leiar av hoppkomiteen i Det internasjonale skiforbundet (FIS).

(©NPK)

Finske Mika Kojonkoski skal trene eit kinesisk lag fram til OL i 2022. Foto: Markku Ulander, Lehtikuva / NTB scanpix.