Kraftig nedgang for kjøkkenutstyrsbutikkar

Overetablering og tilbodsrush fører til nedtur innan faghandel. På kort tid er rundt 70 kjøkkenutstyrsbutikkar i Noreg blitt borte, ifølgje Dagens Næringsliv.

Magnus.Braaten@ntb.no/kirsten@npk.no

Publisert: 26.09.2018 kl 08:11

Tilbords, Rafens og Enklere liv er slått konkurs. Åhlens har trekt seg tilbake til Sverige, og Christiania Glasmagasin har avvikla 10 av 50 butikkar berre i år.

Talet på butikkar i bransjen har stige med 10 prosent på åtte år, mens marginane har gått kraftig ned. Bransjen har mista rundt 400 millionar kroner i omsetning på to år.

- Det er blodraudt og dramatisk for fleire av aktørane. Kjøkkenutstyr var ein vinnarbransje til 2016, seier handelsekspert Reidar Mueller i konsulentselskapet Varde Hartmark til Dagens Næringsliv.

Ein ny handelsrapport frå Virke underbyggjer at overetablering har vore eit problem i denne bransjen.

- Det førte til priskrig og eit marginpress som gjorde at fleire måtte forsvinne ut, seier senior bransjeanalytikar Knut Erik Rekdal i Virke.

Medlemmene i Virke fryktar ei gryande krise innan detaljhandel. I fjor var veksten i dei fysiske butikkane på berre 1,7 prosent, mens nettbutikkane er vente å vekse 10 prosent.

(©NPK)

Oslo City. Illustrasjonsfoto: Vidar Ruud / NTB scanpix