Kvinne funne i live i ruinane 52 timar etter jordskjelvet i Tyrkia
Ei 58 år gammal kvinne vart onsdag funnen i live etter å ha vore 52 timar under ruinane frå jordskjelvet i Tyrkia.
Bilete frå den tyrkiske kringkastaren NTV viser redningsarbeidarar som fraktar kvinna ut frå ruinane på ei båre.
58-åringen skal ha vorte henta ut frå ruinane av eit samanrasa hotell i Kahramanmaraş-provinsen nær grensa til Syria.
Regionen vart hardt ramma av jordskjelvet, som i Tyrkia og Syria har teke livet av over 8.700 menneske.
(©NPK)
