Leilegheiter måtte evakuerast på grunn av brann i Bærum

Det begynte å brenne i eit sikringsskap i ei leilegheit i bustadblokka på fire etasjar i 14-tida. Då røyken begynte å sive ut av leilegheita og inn i naboleilegheitene, avgjorde brannvesenet og politiet å evakuere fleire av dei andre bebuarane.

- Det var kraftig røyk og stor varmeutvikling. Varmen gjorde sløkkingsarbeidet utfordrande for brannvesenet, seier innsatsleiar Tore Barstad i Oslo politidistrikt til Budstikka.

Totalt er det registrert 46 bebuarar i dei 24 leilegheitene i blokken. To av dei blei evakuerte med stigebil, mens ein person sjølv valde å evakuere. Det blei kontinuerleg vurdert om dei andre bebuarane også måtte forlate leilegheitene. Ingen av dei pådrog seg fysiske skadar, men for fleire var brannen ei mental påkjenning, fortel politiet.

(©NPK)

Illustrasjonsfoto: Gorm Kallestad / NTB scanpix