Lett norsk handballsiger over Polen då EM-ferda starta

Kampen vart som ofte før for Noreg tidleg på hausten: Varierende kvalitet på spel, kamptid for mange og meir tankar på trening enn resultat.

Det polske laget leidde 14-13 like før pause. Det snudde til norsk 17-14 før laga bytte side. Noreg skjerpa seg såpass at polakkane ikkje hadde moglegheit til å henge skikkeleg med resten av oppgjeret.

Når EM startar i desember kan det for første gong på mange år vere utan Noreg som gullfavoritt nummer éin.

Sannsynlegvis spelar ikkje Nora Mørk (i opptrening etter alvorleg kneskade) den meisterskapen. Saknet av henne skal det mykje til at Noreg utliknar fullt og heilt.

Vertsnasjon Frankrike vann VM i fjor ved å slå Noreg i finalen og har fordel av heimebane. Det set dei truleg først i køen før avkast.

(©NPK)

Stine Bredal Oftedal glir gjennom eit ope polsk forsvar og scorar i kampen torsdag i Golden League. Foto: Vidar Ruud / NTB scanpix