Libanons ambassade vil hjelpe til i Nygaard-saka

Den libanesiske ambassaden i Stockholm vil hjelpe til i etterforskinga av drapsforsøket på William Nygaard dersom saka omhandlar ein libanesisk innbyggjar.

innenriks.vaktsjef@ntb.no/kirsten@npk.no

Publisert: 10.10.2018 kl 12:52

Det opplyser ambassaden til NRK. Ein av dei sikta har, etter kva kanalen erfarer, tilknyting til Libanon.

Drapsforsøket på den norske forleggjaren William Nygaard i 1993 ville vore forelda strafferettsleg torsdag. Tysdag vart det kjent at politiet har sikta fleire personar i tilknyting til saka, ifølgje NRK er ein av dei den antatte skyttaren.

(©NPK)

Forlagssjef William Nygaard vart skoten og livstruande skadd utanfor huset sitt i Dagaliveien i Oslo 10. oktober 1993. Foto: Jon Eeg / NTB scanpix