Mann arrestert for drapet på XXXTentacion

Mannen blei arrestert onsdag, opplyser politiet i Broward County torsdag.

XXXTentacion, som eigentleg heiter Jahseh Dwayne Onfroy, stod bak fleire hits og blei hylla av nokon av dei største namna i bransjen.

Den 20 år gamle artisten var i ferd med å forlate ein motorsykkelbutikk i Deerfield Beach nord for Miami måndag då to væpna menn nærma seg bilen han sat i. Minst ein av dei skaut rapparen, før begge flykta frå staden i ein mørk SUV.

XXXTentacion blei etter skytinga køyrt til sjukehus, der han blei erklært død.

(©NPK)

Ein mann sørgjer i nærleiken av der XXXTentacion blei skoten og drepen måndag. Foto: Wilfredo Lee/AP/NTBscanpix