Annonse

Nesten 250 døde i IS-angrep i Syria

Talet på døde etter IS-angrepa sør i Syria onsdag er no oppe i 246, ifølgje eksilgruppa SOHR. Over halvparten av dei drepne er sivile.

Ekstremistgruppa IS gjennomførte ein rekke koordinerte angrep i Sweida-provinsen onsdag.

Minst sju sjølvmordsbombarar løyste ut eksplosjonar i provinshovudstaden Sweida og fleire landsbyar i området. Bombene vart følgde av eld frå handvåpen.

- Talet på døde er no 246, inkludert 135 sivile, seier Rami Abdulrahman i eksilgruppa Syrian Observatory for Human Rights (SHOR).

Dei andre døde var regimevennleg milits eller lokale innbyggjarar som hadde tatt til våpen for å forsvare hus og heim.

Minst 45 IS-krigarar døydde òg i angrepa, ifølgje SOHR.

(©NPK)

Røyk og eld frå kampane mellom regimevennlege styrkar og opprørarar i Sør-Syria onsdag, fotografert frå dei israelskokkuperte Golanhøgdene. Foto: Ariel Schalit / AP / NTB scanpix

Annonse
Annonse