NFF vil vurdere prisen på landskampbillettar

Før opningskampen torsdag er det berre selt 5500 billettar. Det er langt unna det leiinga i Norges Fotballforbund hadde sett for seg. Ullevaal stadion har ein kapasitet på 28.000.

- Vi håpa på mellom 13.000 og 15.000 då vi planla i fjor haust. Det er skuffande og naturleg nok langt under det vi forventa, seier fungerande generalsekretær Kai Erik Arstad i NFF til NTB.

Enkelte har kritisert billettprisane. Fotballforbundet opnar for å sjå på billettprisane i sjølve EM-kvalifiseringa som startar etter nasjonsligaen.

- Vi må vurdere prissettinga vår. Samtidig håpar vi det blir sal fram til kamp, seier Arstad med tanke på kampane som ventar i haust.

Noreg møter Kypros torsdag.

(©NPK)

Det går mot mange tomme sete når Noreg får besøk av Kypros. Foto: Terje Pedersen / NTB scanpix