Ny norsk siger i curling-VM for blanda lag

Det norske laget i curling-VM for blanda lag vann onsdag 8-3 over Slovakia og etter fem av sju gruppekampar er det framleis ingen som har vunne over dei.

sjur.natvig@ntb.no/margunn@npk.no

Publisert: 17.10.2018 kl 19:33

Det norske laget med Eirin Mesloe, Martin Sesaker, Ingvild Skaga (skip) og Wilhelms Næss tok tidleg kommandoen mot slovakane, som gav opp og takka for kampen etter seks av åtte omgangar.

Slovakia leidde 1-0 etter første omgang, men Noreg slo tilbake med tre poeng i den neste og auka ved å «stela» eitt poeng både i tredje og fjerde omgang. Slovakia reduserte med to poeng i femte omgang, men gav opp då Noreg scora tre i den sjette.

Det var det første tapet til i meisterskapen.

Noreg har tidlegare slege Slovenia, vertslandet Canada, Japan og Austerrike. Laget møter New Zealand natt til torsdag norsk tid og avsluttar mot Ungarn torsdag kveld.

Dei fire gruppevinnarane går direkte til kvartfinale, mens toarane og trearane skal spela ein ekstra utslagsrunde om dei fire siste kvartfinaleplassane.

Det norske laget blei nummer fire i fjorårets VM.