Ny sjef i Folketrygdfondet

Kjetil Houg (51) er tilsett som ny sjef for Folketrygdfondet

Houg er utdanna siviløkonom og kjem frå stillinga som investeringsdirektør i Oslo Pensjonsforsikring. Han har også tidlegare arbeidd i Folketrygdfondet som sjeføkonom og forvaltar.

Folketrygdfondet forvaltar Statens pensjonsfond Noreg som hadde ein kapital på 237 milliardar kroner ved utgangen av første kvartal i år. Pengane blir investerte i aksjar og obligasjonar i Noreg, Sverige Danmark og Finland.

- Folketrygdfondet har ei viktig oppgåve i å forvalte pengane til fellesskapet på ein ansvarleg måte og er ein spennande kapitalforvaltar med stort potensial, seier Houg i ei pressemelding frå fondet.

Han tiltrer som administrerande direktør 1. september.

(©NPK)