Ødegaard ute med brot i foten i heile vår

Martin Ødegaard har vore ute med brot i foten i heile vår, og er ikkje klar for landskampane mot Island og Panama.

adrian.richvoldsen@ntb.no/Bjorn.Ivar.Voll@npk.no

Publisert: 28.05.2018 kl 17:35

Ødegaard er likevel med i troppen for å vere med på «gjennomgang» med landslaget før Nations League til hausten.

- Det er kjedeleg med to brot i ein sesong, seier Ødegaard til NTB.

Barna som var med på Åpen dag flokka seg rundt Real Madrid-spelaren, og 19-åringen stilte villig opp på bilete då A-landslaget trente på Ullevaal måndag.

I staden for å trene, tok Ødegaard ein tur i treningssenteret på utsida. Ødegaard kan ikkje drive med løpstrening før tidlegast til veka.

Det er uklart kvar stortalentet spelar neste sesong. I år har han vore lånt ut til Heerenveen.

(©NPK)

Herrelandslaget i fotball trenar på Ullevaal før landskamp mot Island laurdag. På grunn av skade trenar Martin Ødegaard på Sats. Foto: Berit Roald / NTB scanpix