Økokrim slo til mot telekomnettverk

Ein 35-åring er varetektsfengsla i to veker med brev- og besøkskontroll og sikta for grov kvitvasking på bakgrunn av aksjonen, stadfestar politiadvokat Åsne Hana Torgersen i Økokrim til Dagens Næringsliv.

Ho stadfestar også at fengslinga skjedde etter at Økokrim tidlegare denne veka slo til mot fleire adresser i ein koordinert aksjon.

- Eg kan bekrefte at fleire personar er sikta i saka. Vi har vore ute og sikra nokon spor. Etterforskinga er i ein tidleg fase, og eg kan ikkje kommentere noko utover dette, seier ho.

35-åringen blei fengsla av Oslo tingrett torsdag. Av fengslingsskjenning går det fram at retten på bakgrunn av opplysningane frå Økokrim meiner det er sannsynsovervekt for at 35-åringen har «medverka til at utbytte frå straffbare handlingar er overført til utlandet gjennom Lycamobile-systemet».

Forsvararen til 35-åringen, advokat Rasmus Woxholt, seier han ikkje ønskjer å kommentere saka.

Lycamobile produserer førehandstinga simkort som blir selt både via nett og diverse lokale forhandlarar rundt om i verda. Nettverket rundt Lycamobile har ifølgje DN også blitt etterforska i fleire andre land.

(©NPK)

Ein 35-åring er varetektsfengsla av Oslo tingrett, sikta for kvitvasking knytt til teleselskapet Lycamobile. Illustrasjonsfoto: Jon Olav Nesvold / NTB scanpix