Omfattande politioperasjon etter mistankar om svindel i belgisk fotball

Mistankar om kampfiksing og juks med spelaroverganger i belgisk fotball har onsdag ført til politiaksjonar i sju ulike land, melder nyheitsbyrået AFP.

ole.henrik.tveten@ntb.no/kirsten@npk.no

Publisert: 10.10.2018 kl 12:34

I Belgia slo politiet til mot fleire av dei mest kjente fotballklubbane onsdag. Fotballagenten Mogi Bayat, tidlegare sportssjef i Charleroi, skal ha blitt arrestert i heimen sin.

Politiet skal også ha søkt gjennom lokala til storklubbane Anderlecht, Brugge og Standard Liege, ifølgje belgiske medium.

AP får opplyst frå belgiske styresmakter at det går føre seg 57 politiraid i Belgia og seks andre land.