Raudt forsprang i Danmark

Socialdemokraterne har 26,5 prosent av veljarane i ryggen, viser Ritzaus vekta gjennomsnitt av dei siste 15 meiningsmålingane. Vektinga inneber at dei ferskaste målingane veg tyngst.

Raud blokk, der også Det Radikale Venstre, Socialistisk Folkeparti, Enhedslisten og Alternativet inngår, får til saman 51 prosent oppslutning. Dette ville ha gitt partia 92 representantar i Folketinget.

Statsminister Lars Løkke Rasmussens Venstre ville saman med dei andre partia i blå blokk - Dansk Folkeparti, Liberal Alliance og Det Konservative Folkeparti - ha fått 48,8 prosent av stemmene og enda opp med 83 representantar i Folketinget, viser den vekta gjennomsnittsmålinga.

(©NPK)

Statsminister Lars Løkke Rasmussen og partia i blå blokk i Danmark, ville ha mista regjeringsmakta om det var val i dag, viser meiningsmålingane. Foto: Martin Sylvest / NTB scanpix