Riggstreiken er avslutta

Norges Rederiforbund og Safe har komme til ei løysing i tarifforhandlingane for riggtilsette Safe-medlemmer gjennom Riksmeklaren.

Det skriv Rederiforbundet i ei pressemelding.

Ifølgje meldinga er resultatet i tråd med det som blei kommunisert som ei løysing i samband med tvungen mekling og svarar til det som blei avtalt med Industri Energi i mai.

- Det siste næringa trong var ein langvarig konflikt som sette renommeet til næringa, økonomien og arbeidsplassar i fare. Konflikten var i utgangspunktet heilt meiningslaus og vi er derfor fornøgd med at den no er avslutta, seier forhandlingsleiar i Rederiforbundet, Jakob Korsgaard.