Riksadvokaten: Politiet har feilbehandla saker om bøtesoning

Dei regionale statsadvokatembeta har kartlagt praksisen til politidistrikta for behandling av saker om bøtesoning, opplyser Riksadvokaten.

Det har avdekt at slike saker i stor grad blir sende over Kriminalomsorgen for fullbyrding av fengselsstraff utan at sakene er behandla i samsvar med krava i straffeprosesslova.

Assisterande riksadvokat Torunn Salomonsen Holmberg seier at det som er avdekt, er alvorleg og sterkt beklageleg.

– Omfanget av den mangelfulle praksisen vil no bli undersøkt nærare. Dette omfattar kor lenge ein slik praksis har gjort seg gjeldande, og kor mange personar som har vorte innkalla til soning i ein nærare angitt periode, seier assisterande riksadvokat Torunn Salomonsen Holmberg.

Riksadvokaten har beordra omgåande oppfølging av situasjonen frå påtalemakta:

– Personar som sonar bøtestraff på mangelfullt grunnlag, skal lauslatast.

– Saker der soning ikkje enno er påbyrja, skal gåast gjennom slik at straffa berre blir sona i saker der vilkåret i lova er oppfylte.

– Statsadvokatane skal forsikre seg om at rutinar i samband med bøtesoning er i tråd med vilkåret i lova.

(©NPK)