Riksantikvaren freder USAs tidlegare ambassade

Riksantikvaren vedtok onsdag å freda den trekanta bygningen i Oslo sentrum som tidlegare var USAs ambassade.

innenriks.vaktsjef@ntb.no/margunn@npk.no

Publisert: 20.06.2018 kl 17:57

Den gamle ambassadebygningen ligg på den trekanta tomta mellom dåverande Drammensveien, Løkkeveien og Hansteens gate og har adresse Henrik Ibsens gate 48.

Bygningen blir freda sidan han blir rekna for å vera eit sentralt verk av den verdskjende finsk-amerikanske arkitekten Eero Saarinen, opplyser Riksantikvaren i ei pressemelding onsdag.

Bygningen har i dei seinare åra vore omgjeven av tunge sikringstiltak, som no etter kvart skal fjernast. Firmaet Fredensborg AS kjøpte eigedommen av amerikanske styresmakter i 2017, og den amerikanske ambassaden har no flytta til Huseby i Oslo.

(©NPK)

USAs tidlegare ambassade i dåverande Drammensveien. Foto: Cornelius Poppe / NTB scanpix.