Singapores utanriksminister besøkjer Nord-Korea før møte

Besøket, som vil vare frå torsdag til fredag denne veka, kom i stand etter at Balakrishan vart invitert av Nord-Koreas utanriksminister Ri Yong-ho.

I tillegg til den nordkoreanske utanriksministeren vil Balakrishan møte Kim Yong-nam, det seremonielle statsoverhovudet i landet, som blant anna var med i Nord-Koreas delegasjon til OL i Pyongyang i februar.

Pressemeldinga frå det singaporske utanriksdepartementet gir ingen opplysningar om kva dei to utanriksministrane skal diskutere. Møtet blir likevel sett på som ei førebuing til møtet neste veke mellom Nord-Koreas leiar Kim Jong-un og USAs president Donald Trump, som vil finne stad nettopp i Singapore.

(©NPK)