Slo alarm om lause tigrar og løver i Tyskland - viste seg å vere falsk alarm

Dyrepassarar mista nemleg oversikta over dyra på grunn av ein flaum. I oppstyret varsla lokale styresmakter fredag at dei fem rovdyra hadde brote seg ut av dyrehagen.

Seint same ettermiddag opplyser ordførar Andreas Kuppert i Arzfeld at ingen av dei fem dyra forlét innhegninga. Det gjorde derimot ein bjørn, som blei skoten og drepen då den blei oppdaga på ein av publikumsvegane i dyrehagen. Feilmeldinga kjem av at dyrepassarane mista oversikt, ifølgje ordføraren.

Hendinga fant stad i dyrehagen Eifel Zoo i byen Lunebach.

- Det er to løver, to tigrar og ein jaguar som har komme seg fri, sa ein talsmann for distriktsadministrasjonen fredag formiddag. Innbyggjarane i området fekk beskjed om å halde seg innandørs.

Dyrehagen ligg nær grensa Tyskland har til Luxembourg og Belgia.

(©NPK)

Ein flaum i Eifel Zoo i Lunebach gjorde at dyrepassarar mista oversikta over dyra. Styresmakter frykta at fleire ville rovdyr kom seg laus, men dei blei seinare funnet i dyrehagen. Foto: Oliver Berg / DPA / AP / NTB scanpix