Statoil sel del utanfor kjerneområde på britisk sokkel

Alba er eit oljefelt på britisk side i Nordsjøen der Statoil vart partnar i 1995. Chevron er operatør på feltet, som hittil har produsert 420 millionar fat olje. Statoils eigenproduksjon i 2017 var på om lag 2.300 fat olje per dag.

- Med denne transaksjonen fokuserer vi ytterlegare på kjerneverksemda vår, i samsvar med strategien vår om høg verdiskaping og låge karbonutslepp, seier Hedda Felin, som er direktør for Statoils offshoreverksemd i Storbritannia og Irland i ei pressemelding.

Statoil har over 450 tilsette i Storbritannia, med kontor i London, Aberdeen og Great Yarmouth.

(©NPK)

Illustrasjonsfoto: Vidar Ruud / NTB scanpix