Sverige fekk 565.000 kroner i bot for feil strømper i VM

Det internasjonale fotballforbundet (Fifa) har straffa svenskane hardt for å bruke ikkje godkjente strømper under VM.

Sveriges fotballforbund er av Fifa pålagt ei bot på 70.000 sveitserfranc (vel 565.000 kroner). Årsaka er at nokre svenske spelarar har brukt merkevaresokkar med den offisielle kampuniformen til svenskane. Det er i strid med Fifas marknads- og utstyrsreglement.

Fifa uttalar at svenskane trassa beskjedar om «å stoppe aktiviteten som førte til sanksjonen».

Hendinga skjedde i samband med Sveriges åttedelsfinale mot Sveits, som enda med svensk 1-0-siger.

(©NPK)

Fifa har bøtelagt Sveriges fotballforbund etter at enkelte av Janne Anderssons spelarar brukte ikkje godkjente sokkar i VM. Foto: Martin Meissner, AP / NTB scanpix