Tre campingvogner brann heilt opp i Hedmark

Politi og brannvesen fortel at den kraftige brannen førte til at tre campingvogner brann fullstendig opp torsdag formiddag. Klokka 11.54 fekk politiet først melding om at det brann i ei campingvogn på staden, men flammane spreidde seg til to andre vogner.

Ei stund frykta naudetatane at flammane kunne spreie seg til skogen og dei andre bygningane på staden, men brannvesenet fekk kontroll på brannen.

- Vi har fått stadfesta at det ikkje var nokon i to av campingvognene som brann. I den tredje blei det evakuert folk som alle er uskadde, melde politiet like før klokka 13.

Også ein barnehage like ved blei evakuert, melder NRK.

Innehavar av campingplassen, Anne Hegglund, seier til NRK at det også brann i tre rundt vognene. Ein person som oppheldt seg i ei av vognene som tok fyr, kom seg ut i siste liten.

- Han vakna til lyden av knitring og smell frå propanflasker som eksploderte og greidde å komme seg ut, seier Hegglund.

(©NPK)

Foto: Gorm Kallestad / NTB scanpix