Trump skryt av Nord-Korea-møte

Utanriksminister Mike Pompeo fortset torsdag samtalene i New York med Kim Yong-chol. Han er rekna som den høgre handa til leiaren i Nord-Korea og er den høgast rangerte tenestemannen frå det lukka landet som har besøkt USA på 18 år.

Målet med møta er å gjenopplive planane om eit toppmøte mellom Kim Jong-un og Trump i Singapore 12. juni.

Idet frukostmøtet mellom Pompeo og nordkoreanarane starta fredag, uttalte Trump at samtalene går veldig bra.

- Eg ser fram til å sjå kva som står i brevet. Dei kjem truleg til å komme til Washington fredag for å levere brevet, så eg ser fram til det, seier Trump.

Trump avlyste førre veke brått det planlagte toppmøtet. Det gjorde presidenten i form av eit brev adressert til Kim. Der skulda Trump Nord-Korea for å ha vist «eit veldig sinne og open fiendskap».

Samtidig takka han Kim for å ha lauslate amerikanske fangar og sa at han gler seg veldig til ein dag å møte nordkoreanaren.

(©NPK)

President Donald Trump uttalte seg til media før han gjekk om bord i flyet som skal ta han til Texas torsdag. Foto: Evan Vucci / AP / NTB scanpix