Trump sparkar rådgjevar etter kreftspøk

Kelly Sadler, ein av Donald Trumps kommunikasjonsrådgjevarar, har fått sparken etter at ho spøkte med den republikanske senatoren John McCains kreftsjukdom.

Magnus.Braaten@ntb.no/kirsten@npk.no

Publisert: 06.06.2018 kl 07:21

Sadler skapte furore i Det kvite hus då ho på eit internt møte sa at McCains motstand mot utnemninga av Gina Haspel som CIA-sjef ikkje hadde noka betydning, fordi han «er døyande uansett».

Kommunikasjonsrådgjevaren har beklaga det ho omtalar som ein spøk som kom ut på feil måte.

Arizona-senator McCain, som vart halden som gissel og torturert under Vietnam-krigen, er diagnostisert med hjernekreft. Dottera Meghan McCain har tidlegare bedt Det kvite hus ta grep etter at utspelet frå Sadler vart offentleg kjent.

President Donald Trump har også sjølv uttalt seg nedlatande mot McCain, då han under valkampen til presidentvalet i 2016 kritiserte 81-åringen for å ha latt seg ta til fange.

(©NPK)

Kommunikasjonsrådgjevar Kelly Sadler er ferdig i jobben etter at ho spøkte med Arizona-senator John McCains aggressive hjernekreft, opplyser Det kvite hus. Foto: Manuel Balce Ceneta / AP / NTB scanpix