UD har starta jakta på ny FN-ambassadør

- Dette er jo ein av dei høgast rangerte ambassadørstillingane vi har, seier kommunikasjonssjef Frode O. Andersen i UD til NTB.

Stillinga vil bli lyst ut ein av dei nærmaste dagane. Men truleg blir det ikkje klart før tidlegast i august kven som får jobben.

- Vi kjem til å ha ein ordinær søknads- og tilsetjingsprosess, seier Andersen.

Tore Hattrem, som har vore FN-ambassadør sidan 2016, fortset i stillinga inntil vidare. Fredag i førre veke vart han utnemnt til ny utanriksråd etter Wegger Chr. Strømmen, som skal overta som ambassadør i London. Hattrem (56) blir dermed utanriksminister Ine Eriksen Søreides (H) høgre hand, med ansvar for heile UD-byråkratiet.

Eit namn som blir trekt fram som ein sterk kandidat til FN-ambassadørstillinga, er London-ambassadør Mona Juul, som tidlegare har vore nestkommanderande i den norske FN-delegasjonen i New York.

(©NPK)

Tore Hattrem (t.h.) sluttar som FN-ambassadør i New York for å bli ny utanriksråd. No har utanriksdepartementet starta jakta på etterfølgjaren. Her saman med statsminister Erna Solberg (H) og tidlegare utanriksminister Børge Brende under FNs hovudforsamling i fjor. Foto: Pontus Höök / NTB scanpix