Ukrainsk journalist dømt for spionasje i Russland

Journalisten Roman Susjtsjenko (49), som jobba for det ukrainske nyheitsbyrået Ukrinform i over ti år, vart arrestert av det russiske sikkerheitspolitiet FSB i Moskva i 2016.

Han vart skulda for å jobbe for ukrainsk etterretning og for å ha fått tak i russiske statshemmelegheiter.

Ukrainske styresmakter fordømmer skuldingane mot Susjtsjenko og seier dommen mot han er politisk motivert. Susjtsjenko har heile tida hevda å vere uskuldig, og seier han vil anke dommen.

49-åringen jobba som Ukrinforms korrespondent i Paris då han vart arrestert, og arbeidsgjevaren hans seier han var på ferie i Moskva då han vart arrestert.

(©NPK)