Uoppdaga asteroide gjekk i oppløysing over Afrika

Ein asteroide gjekk i oppløysing over Botswana i Afrika, berre timar etter at den var blitt oppdaga for første gong av NASA og andre som kartlegg asteroidar.

are.foli@ntb.no/kjell@npk.no

Publisert: 05.06.2018 kl 15:15

Asteroiden, som gjekk under namnet 2018 LA, blei oppdaga nær bana til månen tidleg laurdag morgon, med kurs rett mot planeten vår. Den målte rundt 2 meter i diameter og blei derfor rekna som ufarleg.

Berre åtte timar seinare gjekk asteroiden i oppløysing fleire kilometer over bakken over Botswana, utan å forårsake skade.

Dette er tredje gong at forskarar har observert ein asteroide på direkte kollisjonskurs med jorda. Liknande observasjonar blei gjort i 2008 og 2014.