USA innfører sanksjonar mot fleire iranske grupper

Tiltaket er det nyaste amerikanske forsøket på legge press på det iranske regimet. På lista står blant anna Hizbollah-rørsla og tre av deira leiarar. Målet er å stengje dei ute frå det globale finans- og handelssystemet.

- Hizbollah er ein organisasjon som blir støtta av det iranske regimet og som trakasserer og angrip det iranske folket, heiter det i ei fråsegn frå finansdepartementet. Departementet viste blant anna til eit syreangrep på kvinner som var upassande kledd i Isfahan, og andre valdelege angrep mot studentar som deltok i demonstrasjonar.

Elles på lista har USA ført opp fengselet Teherans Evin, som husar politiske fangar, og to iranske embetsmenn som blant anna har vore involverte i blokkeringa av meldingstenesta WhatsApp, og Hanista Programing Group. Sistnemnde utviklar ifølgje finansdepartementet ei alternativ meldingsteneste som mogleggjer overvaking av innbyggjarane som brukar den.

(©NPK)