Valverde spurta seg til samanlagtleiinga i Volta a Catalunya 

Den 37 år gamle Movistar-ryttaren var sterkast i beina i spurtoppgjeret i byen Valls. Dermed tok spanjolen sigeren i den andre etappen av Volta a Catalunya, og totalt sin åttande etappesiger i rittet.

Daryl Impe (Mitchelton-Scott) og Jay McCarthy (Bora) blei høvesvis nummer to og tre.

Sigeren betyr også at Valverde overtok leiartrøya i rittet. Alvaro José Hodeg (Quick-Step) som vann opningsetappen måtte kapitulere med 14 kilometer igjen, og fekk dermed behalde leiartrøya i berre éin dag.

Etappen tysdag var på 175,6 kilometer og blei køyrt frå Mataro til Valls. Løpet består av sju etappar og blir avslutta søndag i Barcelona.

(©NPK)